Blog Title

Waterpark

Ervaar die opwinding van blitsvinnige, seepgladde glybane

Die Seefront Pretpark pronk met ‘n splinternuwe waterpark – ‘n droom vir waterliefhebbers en die perfekte plek om van die warm somer son te ontsnap. As jy waaghalsig voel, is ons waterwurms nét die regte ding vir jou!

Vakansiegangers kan kies tussen drie verskillende waterwurms, een vir elke vlak van adrenalien en vaardigheid. Selfs diegene wat nie so mal is oor hoogtes en avontuur nie, sal kan voete nat maak op ons makliker glybane. Ons beplan om binnekort die waterpark nóg verder uit te brei, so hou ons webtuiste dop vir meer inligting.

Klouterpaleis

‘n Ongelooflike klimraamervaring!

Geleë binne die Seefront Pretpark, beloof hierdie ruim speelarea ure se genot vir babas, kleuters én tieners! Met allerhande klim, swaai, gly en hang aktiwiteite, is hierdie area spesiaal ontwerp om kinderontwikkeling aan te moedig, terwyl kinders terselfdetyd hulself gate uit geniet.

Mini-Gholf Avontuur

Tyd vir speel, putt en ‘n wenhou slaan

Geleë binne die Seefront Pretpark, bied ons mini-gholfbaan ‘n genotvolle uitstappie vir die hele gesin. Ons twee splinternuwe nege-putjie bane, sal beide amateur en ervare spelers uitdaag!

Mini-gholf pakette
R40 per person vir 9 putjies

 

Kontakbesonderhede
Tel: 044 601 7215
hartenbos@atkv.co.za

Pretpark Verhoog

Ongelooflike optredes wat jou asem sal wegslaan

Geleë binne die Seefront Pretpark, is hierdie spasie ideaal vir konserte, klein produksies en musiek optredes. Daar is genoeg plek vir 200 gaste – 100 sitplekke en 100 staanplekke.

Uitspan Sonarea

Laat die sonstrale op jou lyf baljaar

Indien jy daarvan hou om te ontspan op grasgroen grasperke, met strandstoele, storte en yskoue drankies, sal jy  beslis ons luuksesonarea geniet. Hierdie heerlike uitspan-area is binne die Seefront Pretpark geleë.