OOR ONS
Met 'n ryk en diverse kulturele erfenis, die perfekte ligging, aktiwiteite en vermaak vir alle ouderdomme - Hartenbos Seefront behoort bo-aan jou lys van vakansiebestemmings te wees. Of jy nou 'n ontspannende strandvakansie of 'n pretvolle avontuurlustige een wil hê.
Jy sal presies kry wat jy soek tydens jou verblyf by ons.
ERFENIS
Suid-Afrika se mees geliefde vakansiebestemming
Die ATKV Hartenbos Strandoord is een van Suid-Afrika se beste vakansiebestemmings. Hartenbos Seefront is ‘n ontwikkeling binne in die hartjie van die oord en ons is trots daarop om as een van die mees gesogte vakansieplekke vir besoekers van alle ouderdomme gereken te word. Ons bied eindelose vermaak en pret, modern ontspannings- en kleinhandelgeriewe asook heerlike snuffelwinkels en restaurante aan om jou vakansie onvergeetlik te maak.
Daar is heeldag somerpret by die pretpark, avontuurgholf, eindelose ure op die strand, lang wandelings op die wandelpad en heerlike ontspanning in die verhitte onderdakswembad. Dan is daar ook luukse hotelverblyf in die Seefront Solders. Hartenbos Seefront – waar die pret begin!
LIGGING
Geleë langs die pragtige Tuinroete.
As jy mal is oor die strand, is Hartenbos Seefront die ideale plek vir jou. Geleë langs die wêreldbekende Tuinroete tussen Kaapstad en Port Elizabeth, was die ATKV Hartenbos Strandoord die eerste van die sewe ATKV-oorde wat sedert die ontstaan van die ATKV ontwikkel is. Vandag is ons trots om dieselfde doel en visie te hê – om vriende en familie bymekaar te bring, en hulle die geleentheid te gee om herinneringe te deel wat ’n leeftyd sal hou.
Die pragtige strand is letterlik ’n paar meter weg van al ons ander fasiliteite… Jy kan op jou drumpel die vars seebries en ongelooflike sonsondergange geniet.
Duisende besoekers van oor die hele land waardeer kosbare oomblikke saam by Hartenbos. Ons wil voortgaan om ons Hartenbos-familie te laat groei en voort te bou op ons ryk kulturele geskiedenis en agtergrond. Sien uit na eindelose dae van pret en ontspanning op die mooiste strande, asemrowende uitsig, maklike toegang tot ons wêreldklasgeriewe en 'n veilige omgewing om te ontspan en jou vakansie saam met familie en vriende te geniet.
Klik hier vir verblyf-opsies by die ATKV Hartenbos Strandoord
